A inscrición ás tertulias literarias na biblioteca Mª José Trincado de Mera abrirase o próximo martes 3 de outubro ás 16:00h. É posible apuntarse persoalmente na biblioteca ou chamando por teléfono ao 981 628 507.
A animación á lectura, gozar da literatura como un desenvolvemento da capacidade de creación e comunicación a través da mesma, compartir e debater ideas ou reflexionar sobre diferentes asuntos e puntos de vista son os obxectivos principais que se perseguen con este programa cultural desenvolto na biblioteca de Mera.
Nas tertulias literarias comentaranse obras de distintos xéneros, principalmente narrativa contemporánea, mais tamén poesía, teatro ou ensaio, nun ambiente de familiaridade, procurando o lado formativo e lúdico da lectura.
A actividade, que conta con 30 prazas por orde de inscrición distribuídas en 2 grupo de 15 persoas; está dirixida a maiores de 18 anos e durará ata o mes de xuño de 2024. As sesións celebraranse os martes quincenalmente ás 19:00 h e a duración de cada sesión será de 90 minutos.
O día da presentación será o martes 17 de outubro ás 17:30h para os dous grupos.
